நேபாளத்தில் இன்று அதிகாலை 3:59 மணிக்கு ரிக்டர் அளவுகோலில் 4.8 அளவிலான நிலநடுக்கம் ஏற்பட்டது. இந்த நிலநடுக்கம் பூமிக்கடியில் 10 கிலோமீட்டர் ஆழத்தில், 29.17° வடக்கு அகலத்திலும் 81.59° கிழக்கு நீளத்திலும் ஏற்பட்டது. நிலநடுக்கத்தால் மக்கள் அச்சத்தில் வீடுகளை விட்டு வெளியே ஓடினர்.
இது போன்ற நிலநடுக்கங்கள் நேபாளத்தில் அடிக்கடி ஏற்படுகின்றன. 2015-ல் 7.8 ரிக்டர் அளவிலான நிலநடுக்கம் ஏற்பட்டது, அதில் சுமார் 9,000 பேர் உயிரிழந்தனர். இந்த நிலநடுக்கத்தால் உயிரிழப்பு அல்லது பொருள் சேதம் ஏற்பட்டதா என்பது குறித்து அதிகாரப்பூர்வ தகவல்கள் வெளியாகவில்லை.
